Dos deputats an presentada a l’Assemblada Nacionala de França una proposicion per reformar l’article 2 de la Constitucion francesa. Ara lo tèxt d’aquel article explica que “la lenga de la Republica es lo francés” e es estat utilizat abitualament per frenar la normalizacion de las nomenadas “lengas regionalas”, coma l’occitan, lo breton, lo basc o lo catalan.
Paul Molac (departament de Morbihan / Bretanha) e d’autres deputats prepausan que l’article siá “la lenga de la Republica es lo francés dins del respècte de l’utilizacion, de la promocion e de la proteccion de las lengas regionalas.”
Aquela nòva redaccion completariá l’article 75.1 amb lo tèxt actual “Las lengas regionalas apertenon al patrimòni de França”. Amb la modificacion constitucionala se poiriá acabar amb la politica lingüistica uniformista e jacobina tradicionala de França e aténher una reconeissença a la siá diversitat lingüistica pròpria. Poirem veire aquela reforma de la Constitucion de la Cinquena Republica?
