Era revista QVÆRENDO INVENIETIS d’Aran Media Cultura contunhe difonent era òbra deth gran poèta aranés Mn Jusèp Condò Sambeat e enes dus naus numèros dera publicacion explique es sues poesies publicades en diari “La Prensa” de Lhèida.
En numèro cinc mos parlen sus era publicacion en aguest diari lheidatan des poèmes “La veu del campanar”, “Era véu d’et Campanáu”, “Nuguera Pallaresa”, “Dos miracles”, “La Inmaculada” (es nòms originaus damb era grafia utilizada peth madeish autor). Aguestes òbres literàries mantien, coma pertòque en çò d’un mossen, fòrça referéncies ara tematica religiosa, mès tanben as ligams damb eth territòri aranés.
En numèro sies mos aufrís ua prumèra part dera òbra en pròsa “La Virgen del Pilar. Croquis para una novela histórica” publicada en diari lheidatan pendent era tardor de 1912. Er argument explique se com er apostòl Jaume construïc era capèla iniciau a on sègles dempús se bastic era Basilica dera Vèrge deth Pilar en Saragossa.
Se voletz conéisher en prigondor era òbra de Mn Jusèp Condò Sambeat, podetz trapar-ne d’exemplars dera revista QVÆRENDO INVENIETIS en Conselh Generau d’Aran, en Ajuntament de Bossòst e ena Bibliotèca de Vielha.
Es fotografias son d’Antòni Peremartí e era traduccion d’aguest article d’Agustí Farran.
