Aguesta dimenjada era associacion ES PAOMS a estat protagonista dera Hèsta Major de Vilamòs en Aran.
Era entitat culturau a promoigut eth Concors de guarniments de balcons dera vila, ua tradicion qu’ajude a conéisher es carrèrs de Vilamòs e tanben ara creacion d’identitat e de comunitat des sòns abitants.
Dissabte 15 ara glèisa de Santa Maria, era corau ES PAOESSES interpretèc damb un gran succès un repertòri de cançons religioses tradicionaus pendent era missa deth dia dera Assompcion. Es cantaires dera corau an assajat pendent uns mesi entà demostrar ath public era qualitat des sues votzes.
E dimenge 16 ena Sala Sociau dera vila, ES PAOMS presentèren es objectius dera entitat e es activitats presentes e futures deuant d’ues cinquanta persones e er Baile de Vilamòs, Oriol Sala. Aguesta associacion lutarà pera promocion der aranés e dera cultura deth territori. Aguesta naua estapa, presidida per Jaume Masana, a començat damb fòrça illusion e demostrarà era riquesa culturau d’Aran, nèxe d’union entre es tèrres catalanes e es occitanes.
