Las femnas son tanben protagonistas de l’istòria de la lengua, la literatura e la cultura occitanas. Lo CIRDOC – INSTITUT OCCITAN DE CULTURA e la MEDIATÈCA GRAIN D’SEL de Carcassona an produsit una interessanta exposicion amb lo títol de “FEMNAS D’ÒC. L’OCCITAN AL FEMENIN”, qu’ofrís als sieus visitants una mòstra de l’importància de la preséncia femenina dins de l’istòria de l’occitan.
L’exposicion comença amb las miticas trobairitz de l’alunhada Edat Mejana, amagadas malastrosament pendent fòrça sègles, mas que produsiguèron tanben de composicions poeticas d’un lirisme e d’una qualitat excepcionala.
Mas l’aportacion de las escrivanas occitanas a la literatura, de las femnas de teatre, de las filològas… es estada fondamentala tanben pendent los sègles XIX e XX. Podèm pas comprene la lenga e la literatura occitanas actualas sens las aportacions d’aquelas grandas femnas, qu’en superant las limitacions socialas injustas mas abitualas, configurèron un univèrs de recèrca, de cultura e de creacion literària que devèm conéisser.
Los interessats poiràn visitar l’exposicion del 6 al 27 de març a la Mediatèca Grain d’sel de Carcassona (Carrièira Fedou).
