Un an mès, Es Paoms impulse eth Concors de Guarniment de Cases de Vilamòs e Era Bordeta, ua iniciativa que vò emberir eth nòste pòble pendent era Hèsta Major e fomentar era participacion des vesins.
Participar ei fòrça simple: plaçatz era bandèra de Vilamòs, decoratz eth vòste balcon o façada e ja formatz part deth concors. Eth termini entà participar finalize eth 12 d’agost de 2026.
Es Paoesses tornaràn a cantar ena missa de Hèsta Major de Vilamòs eth pròplèu 15 d’agost ena glèisa de Santa Maria damb ues cançons dera tradicion musicau religiosa. Aguest retorn serà possible gràcies ara collaboracion damb er Ajuntament de Vilamòs, que s’a implicat entà recuperar ua tradicion fòrça estimada peth pòble.
E fin finau dimenge 16 entàs 12.00 ores, era presentacion des activitats dera nòsta associacion ena Sala Sociau de Vilamòs. Ua naua estapa d’ES PAOMS entà promòir era lengua e era cultura d’Aran.
