Es Paums renòve era sua Junta e inície ua naua etapa
Eth passat 9 de noveme, era Associacion Es Paums celebrèc ua Assemblada Extraordinària
on se escuelhic era naua Junta Directiva, que da començament a ua etapa de renovacion e
de continuïtat deth projècte culturau aranés dera entitat.
Era naua Junta serà formada per:
President – Jaume Masana
Secretària – Neus Castet
Tresorèr – Francesc Sangar
Vocaus – Rosa Castet, Carmen Martínez, Judit Bòria, Laura Sánchez, Caroline Bouissou e
Mathieu Malignaggi.
Aguesta naua etapa d’Es Paums combine membres damb experiéncia anteriora ena entitat
—coma Neus Castet, Rosa Castet, Carmen Martínez, Judit Bòria e Jaume Masana— damb
naues incorporacions que aporten ua vision mès dubèrta e diversificada deth mon culturau.
Entre es naui membres destaquen:
● Francesc Sangar, de Sapiéncia Occitana, ligat ath pensament e ara divulgacion
dera cultura occitana,
● era gestora culturau lleidatana Laura Sánchez Mas,
● e es promotors de Sarnalhèrs, Caroline Bouissou e Mathieu Malignaggi, damb ua
reconeishuda trajectòria ena preservacion e difusion deth patrimòni istoric e culturau
dera Val d’Aran.
Eth nau equip vò dar un cambi ath modèl de trabalh dera associacion, tot mantienent-ne era
esséncia, mès metent èr accent ena musica coma eish principau, ena digitalizacion e ena
collaboracion damb autes entitats e projèctes culturaus dera Val d’Aran, de Catalunya e
d’Occitània.
Damb aguesta renovacion, Es Paums inície ua naua etapa de trabalh collectiu entà
contunhar fomentant era lengua, era cultura e era creativitat araneses dempús de Vilamòs
entà tot eth territòri.
